Qazaqstan Respýblıkasy Investısııalar jáne damý mınıstrliginiń buıryǵy  №16 

  2016 jylǵy 19 qańtar,Astana qalasy «Qazaqstan Respýblıkasynyń halyqaralyq qatynastaǵy avtomobılmen tasymaldaýlarynda ruqsat berý júıesin qoldaný qaǵıdalaryn bekitý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 27 naýryzdaǵy №353 buıryǵyna ózgerister engizý týraly «Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 43-1-baby 1-tarmaǵyna sáıkes buıyramyn: 1. «Qazaqstan Respýblıkasynyń halyqaralyq qatynastaǵy avtomobılmen tasymaldarynda ruqsat berý júıesin qoldaný qaǵıdalaryn bekitý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 27 naýryzdaǵy № 353 buıryǵyna (Normatıvtik quqyqtyq aktilerin memlekettik tirkeý tiziliminde № 11704 bolyp tirkelgen, 2015 jylǵy 5 tamyzdaǵy «Ádilet» aqparattyq-quqyqtyq júıesinde jarııalanǵan) mynadaı ózgerister engizilsin: kórsetilgen buıryqpen bekitilgen Qazaqstan Respýblıkasynyń halyqaralyq qatynastaǵy avtomobıl tasymaldarynyń ruqsat berý júıesin qoldaný qaǵıdalarynda: 7-tarmaq mynadaı redaksııada jazylsyn: «7. О́kiletti organnyń aýmaqtyq organdary (budan ári - aýmaqtyq organdar) jyl saıyn 10 tamyzǵa deıingi merzimde buqaralyq aqparat quraldary jáne ınternet-resýrstar arqyly sheteldik ruqsattamalarǵa jyldyq ótinimderdi qabyldaýdyń bastalýy týraly otandyq tasymaldaýshylardy habarlandyrady. Jyldyq ótinimderdi otandyq tasymaldaýshylar «Azamattarǵa arnalǵan úkimet» memlekettik korporasııasy (budan ári - Memlekettik korporasııa) nemese www.elicense.kz «E-lısenzııalaý» veb-portaly (budan ári - portal) arqyly beriledi.»; 26-tarmaq mynadaı redaksııada jazylsyn: «26. Otandyq tasymaldaýshylar sheteldik ruqsattamalardy alý úshin ótinishti jáne qosymsha ótinimderdi Memlekettik korporasııa nemese portal arqyly beredi. О́tinishter men qosymsha ótinimderdi qaraý, sondaı-aq beriletin sheteldik ruqsattamalar sanyn esepteý sheteldik ruqsattamalar blankilerin taratýdyń avtomatty úılestirý júıesin paıdalana otyryp júzege asyrylady.»; 36-tarmaq mynadaı redaksııada jazylsyn: «36. Otandyq ruqsat, onyń ishinde birinshi reıstiń tasymaly júzege asyrylǵan memlekettiń aýmaǵyna Qazaqstan Respýblıkasynyń aýmaǵynan keri baǵytta jolshybaı júk artý jaǵdaıynda bir jolsapar úshin jaramdy bolady. «A» túrindegi otandyq ruqsat jóneltý pýnktinen mejeli pýnktke deıin jaramdy, «V» men «S» túrindegi Qazaqstan Respýblıkasynyń memlekettik shekarasynan 90 kılometrge deıin sheginde ornalasqan shekara mańy termınaldaryna deıin jaramdy.»; 41-tarmaq mynadaı redaksııada jazylsyn: «41. Tartqyshty nemese júk avtomobılin tasymaldaýshynyń tirkeý memleketinde tirkelgen basqa tartqyshqa nemese júk avtomobıline aýystyrýǵa jol beriledi.». 2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdaryna jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq alǵashqy resmı jarııalanǵan kúninen bastap kúntizbelik jıyrma bir kún ótken soń, biraq 2016 jylǵy 1 naýryzdan buryn emes qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILGEN» «KELISILGEN» Qazaqstan Respýblıkasynyń Qarjy mınıstri Qazaqstan Respýblıkasynyń Ulttyq ekonomıka ________________ B. Sultanov mınıstri ________________ E. Dosaev 2016 jylǵy 27 qańtar 2016 jylǵy 29 qańtar Buıryq Qazaqstan Respýblıkasynyń Ádilet mınıstrliginde 2016 jylǵy 29 aqpanda Normatıvtik quqyqtyq kesimderdi memlekettik tirkeýdiń tizilimine №13327 bolyp engizildi.